L A R I S S A    L I E M

​

A L L E  T R Ä U M E  K Ö N N E N  W A H R  W E R D E N,

W E N N   W I R   D E N   M U T     H A B E N,

I H N E N   Z U   F O L G E N.

- Walt Disney -

​

​

​

Ich bi Mami vo zwei Wunderbarä Chind und ämänä liebä Ehemaa a

meynärä Seitä, wo mich bi all meynä Ideeä und Projekt liebevoll understitzt.

Wohnä demmer im Kanton Nidwaldä, wo mier

ai scho eysi Chindheit hend derfä verbringä.

​

Meyni Fotografisch Uisbildig hani bide liebe Nina derfä mache.

So vill Wärtvolls hani bi ihrä scho derfä lernä, sigs uber dFotografie, wie aber ai

uber Persendlichkeitsentwicklig. Ich liebs mich fortlaifend bi ihrä derfä weiterzbildä,

so dass ich immer meh a mier darf wachsä und neys cha dazuelernä.

​

Äs wird mier immer wieder Bewusst we all die Bilder mit de Jahrä a Wärt zuenähmed.

Grad die letschtä Bilder vo meym Grosi, wo eysi chleynschti liebevoll

i ihrne geborgänä Armä, churz nach de Geburt, nu hed derfä

willkommä heissä, hend inzwischä ä Bsundrigä Wärt ubercho. 

​

Ich bi perfekt fir dich wenn dui nateyrlichi und spontani Bilder liebsch wo im Momänt

derfid entstah. Will gnai de fühlsch dui dich Wohl und darfsch dich sälber sey.

Dur meyni jahrelangä Erfahrigä, vorde wie aber ai hinder de Kamera, begleit ich eych

mit viu Liebi und Feingfühl dur eychä bsundrig Läbesmomänt.

​

Ich fräi mich riisig ai e Teil vo deym bsundrigä Läbeswäg derfä fotografisch

zbegleitä und deyni wärtvollä Momänt fir d'Ewigkeit festzhaltä.

​

​

L A R I S S A