top of page
Suche
  • larissaaschwanden

W Ä R D E G A N G

Gärn beantworti ide nechstä Biträg eychi Frage ♡



WIE BISCH ZUR FOTOGRAFIE CHO


Bi mier leyd dFotografie tatsächlich chli ide Familie. Mey Grossdädi & ai mey Dädi hend nämmli die gleich Leidäschaft.

Us Chind hani zwüschedure e Kamera mimne Film igleid derfä bruiche & es isch immer wider spannend gsi wemer sErgäbnis davo uisdruckt hend derfä go abhole. De ide Jugendziit heds midere eifache Spiegelreflexkamera agfange.

Während minere erstä Schwangerschaft isch de Wunsch immer meh uifcho, das nid nur mit guet Glick scheeni Schnappschüss entstend. Sonder dasi bewusst de Momänt darf ifah & i jedere Situation weiss wie mini Kamera istellä dafür.

Ide zwüscheziit bini zum erstä Mal Mami wordä & ha mey Lieblingsmänsch derfä Hiratä. Ded isch fir mich vo Afang ah klar gsi, das fir mich als Fotografin nur di liebi Nina Kälin i Frag chund. Ich hasi ded zwar nuni persendlich kännt gha, aber ihri Bilder hend mi dazumal scho total inspiriert ♡



Mier hend dNina bim Hochzits - Vorgspräch derfä kännälernä & sind absolut begeistered gsi vo Ihrä. Und hend nateyrli riisig Fräid gha das si eysi wunderscheenä Hochzeits - Momänt fir d'Ewigkeit festghalte hed ♡

Dur sMami wärdä hani immer meh derfä wahr näh was mier wirkli Fräid macht im Läbä. Näbst meynärä Familiä & eysnä gmeinsamä Abenteir isch de Wunsch immer meh uifcho mich mit de Fotografie zbefassä. Doch wie schaff ich das am beschtä näbst em Mami sey & Teilzeit schaffä?

Ich ha mey ganzi Muet zämä gnuh und eifach mal bide Nina nachegfragt öb si en Idee hätti wieni das am beschtä chennti machä. De ischs nid lang gange und ich bi Monatlich zu Ihre uf Oberiberg is Coaching und ha immer meh a mier derfä wachsä ♡

Also churz zämägfasst: ich ha mey ganz fotografisch Wärdegang bide wunderbaarä & inspirierende Nina Kälin derfä mache ♡

Und inzwische bini sälbständigi Fotografin & stolzi Atelierbsitzeri ♡

22 Ansichten0 Kommentare

Aktuelle Beiträge

Alle ansehen
bottom of page